南丫島同市區唔同，仲未比連鎖品牌攻佔，喺島上依然搵到好多特色嘅小店。今次行過呢間餐廳，係門口俾一樽樽顏色鮮艷嘅糖吸引住，就行埋去睇下啦。店主話呢啲糖嘅味道都好特別，而且仲要係sugar free！係咪真係無糖，我真係無從稽考，不過佢包裝咁精緻，適逢聖誕節，用嚟送禮簡直一流！
佢有好多唔同款嘅聖誕套裝，但通常都配搭一啲口味比較獨特嘅產品，所以結果我都係選擇散買！佢嘅糖有好多唔同嘅口味，包括有熱情果，橙，檸檬等等。不過最吸引我嘅，就係彩虹顏色嘅所謂嘅雪糕口味。相信大家都有同我同一個疑問，就係雪糕味姐係咩味呢？店主解釋糖上面唔同顏色係唔同嘅味，所以粒糖係你個口入邊會不停咁轉變佢嘅味道。食完之後，我覺得佢係唔太甜，不過味道就唔係太突出，反而顏色無咁鮮艷嘅熱情果味，味道相對係更加好！但係始終彩虹色，收禮物嘅收到一定會特別開心，所以如果要來送禮，都不失為一個好嘅選擇。佢一樽糖價錢大約為HKD$39 - 43，呢個價位要來送禮，都尚算可以接受！
Shelly Cake Express
Search